የምዕራብ ጎንደር ባለሀብቶች ለሕልውና ዘመቻው ስኬት ድጋፋቸውን አጠናክረው እንደሚቀጥሉ አረጋገጡ

በሽብርተኛው ህወሓት ከተጋረጠው ወቅታዊ የሕልውና አደጋ ኢትዮጵያን ለመታደግ ለሚደረገው ሁሉን አቀፍ ትግል ስኬት ድጋፋቸውን አጠናክረው እንደሚቀጥሉ የምዕራብ ጎንደር ዞን ባለሀብቶች አስታወቁ። በዞኑ በእርሻ ኢንቨስትመንትና በተለያዩ የንግድ ዘርፎች የተሰማሩ ባለሀብቶችና ነጋዴዎች ለሕልውና ዘመቻው ከ21 ሚሊየን ብር በላይ ድጋፍ አድርገዋል።

አቶ መሳፍንት ገበየሁ በዞኑ ምዕራብ አርማጭሆ “ኮረደም የእርሻ ጣቢያ” በግብርና ልማት የተሰማራው አሊያንስ ስታር ግሩፕ ሥራ አስኪያጅ ናቸው። አቶ መሳፍንት ለኢዜአ በሰጡት አስተያየት ፥ የአሸባሪው ህወሓትን ሀገር የማፍረስ ተልኮ ለማምከን እየተደረገ ላለው ሁሉን አቀፍ ትግል ስኬት ድጋፍ እያደረጉ መሆናቸውን ተናግረዋል።

ለዚህም ቀደም ሲል ከ2 ሚሊየን ብር በላይ ድጋፍ ማድረጋቸውን አስታውስው ÷ ጠላትን ሲፋለሙ ጉዳት ለደረሰባቸው የፀጥታ አባላትም 65 በጎችን በድጋፍ መስጠታቸውን ገልጸዋል።

“ሰርቶ መለወጥና መጠቀም የሚቻለው ሀገር ሲኖር ነው” ያሉት ሥራ አስኪያጁ ÷ ኢትዮጵያን ከአሸባሪው ህወሓት ጥፋት ለመታደግና የህዝቡን ህልውና ለማስጠበቅ ድርጅቱ የሚጠበቅበትን ድጋፍ ሁሉ ያደርጋል ብለዋል።

ሌላኛው በመተማ ወረዳ “ደለሎ የእርሻ ልማት ጣቢያ” በእርሻ ኢንቨስትመንት የተሰማሩት አቶ ጌትየ ገብሩ እንዳሉት ÷ “ለህልውና ዘመቻው ሁሉም ድጋፍ በማድረግ የኢትዮጵያን ጠላት ማንበርከክ ይገባል”።

ቀደም ሲል 300 ሺህ ብር የሚጠጋ ድጋፍ ማድረጋቸውን የገለጹት አቶ ጌትየ ፥ በቀጣይም ከሌሎች ባለሃብቶች ጋር በመቀናጀት የሚጠበቅባቸው ሁሉ ድጋፍ እንደሚያደርጉ ገልጸዋል።

“አሸባሪውን ህወሓት ለመደምሰስ ለሚደረግ የህልውና ዘመቻ የሚቆጠብ ሃብት አይኖረኝም” ያሉት ደግሞ በገንዳ ውሃ ከተማ በንግድ ሥራ የተሰማሩት ባለሃብት አቶ አዲሱ ብሩክ ናቸው። በለሀብቱ እንዳሉት ቀደም ሲል 450 ሺህ ብር ድጋፍ ያደረጉ ሲሆን ÷ ድጋፋቸውን ወደፊትም አጠናክረው እንደሚቀጥሉ ነው ያረጋገጡት። የዞኑ ዋና አስተዳዳሪ አቶ ደሳለኝ ጣሰው በበኩላቸው፥ በዞኑ የሚገኙ ባለሃብቶች ለህልውና ዘመቻው እያደረጉ ያለው ድጋፍ የሚበረታታ መሆኑን ገልጸዋል።

Leave a Reply

Your email address will not be published. Required fields are marked *

Next Post

በምዕራብ ጉጂ ዞን ህብረተሰቡ ለሀገር መከላከያ ሰራዊት ደም ለገሰ

Sun Nov 21 , 2021
የምዕራብ ጉጂ የተለያዩ የኅብረተሰብ ክፍሎች ለሀገር መከላከያ ሰራዊት ደም ለግሰዋል። በምዕራብ ጉጂ ዞን የቡሌ ሆራ ከተማ ደም ባንክ ማዕከል ማስተባበሪያ እንደገለጸው ÷ ለሀገር መከላከያ ሠራዊት ደም የለገሱት ሴቶች፣ ወጣቶችና እናቶች ናቸው። ደም የለገሱት በጎ ፈቃደኞች ለመከላከያ ሠራዊቱ በኋላ ደጀንነት የሚያደርጉት ሁለንተናዊ ድጋፍና ትብብር ተጠናክሮ ይቀጥላል ብለዋል፡፡ የደም ባንክ ማዕከሉ ኃላፊ […]